Afrakstur ræktunar í Akraseli

Eitt af vorverkunum okkar hér í Akraseli er að sá fyrir grænmeti og fræjum. Börnin velja sér fræ til þess að sá fyrir á hverju ári, læra að hugsa um fræið í moldinni og fá svo að taka hana með sér heim þegar plantan fer að gægjast upp úr. Við höfum meðal annars sáð sólblómafræjum og paprikufræjum.
Núna í vor fengum við skemmtilega mynd senda frá foreldri af paprikuplöntum sem börnin þeirra höfðu sáð fyrir í fyrra og hittifyrra. Stærri plantan hefur gefið af sér um 20 paprikur en það minna um 12 paprikur. Gaman að sjá afrakstur verkefnanna sem við vinnum hér í leikskólanum eftir að þau fara heim. Hér er mynd af Berglindi Elfu nemanda á Kletti með plöntunum sem bæði hún og Þorbjörn bróðir hennar eiga.

(Mynd birt með leyfi foreldra Berglindar)