Veður

Af loftinu má svo veður marka: ,,Sjáist fjallatindar klárir og skýlausir öndverðan vetur og fram um jól, boðar mildan vetur. Sýnist sólin oft rauð eftir sólhvörf á vetrum, boðar það frostasaman og vindsvalan vetur. Það sama merkja dökkir og grænir hringir um sólina öndverðan vetur. Það sama merkir grænn eða gulleitur litur sólar og þó helst að vetur muni snævi þakinn og vindsvalur verða. Allt þetta er ei annað en náttúrulegar loftsins verkanir, hver hygginn maður má skilja.