Gróðursetning

Þegar frost er farið úr jörðu þarf að bíða þangað til að moldin nær að verða 5-7 stiga heit annars spíra fræin ekki. Sumir setja áburð í beðin á haustin og breiða svart plast yfir, þá hitnar moldin fyrr. Stundum finnast kartöflur frá fyrra ári þegar stungið er upp eða smáfíflar sem hægt er að steikja á pönnu, bæði blöðin og ræturnar. Viðkvæmar plöntur eru for-ræktaðar inni en harðgerðum plöntum eins og gulrótum, vorsalati, hreðkum, dilli og spínati má sá beint út í maí undir akryldúk.