3. febrúar 2012 10:15

Dagur leikskólans

Mánudaginn 6. febrúar verður dagur leikskólans haldinn hátíðlegur í leikskólum landsins. 6 febrúar er merkisdagur í íslenskri leikskólasögu því þann dag árið 1950 stofnuðu frumkvöðlar leikskólakennara fyrstu samtök sín.

Dagur leikskólans er samstarfsverkefni Félags leikskólakennara, Félags stjórnenda leikskóla, mennta- og menningarmálaráðuneytis, Sambands íslenskra sveitarfélaga og Heimilis og skóla. Tilgangurinn er að auka jákvæða umræðu um leikskólann, vekja umræðu um hlutverk leikskóla og starf leikskólakennara og kynna starfsemina út á við.

Við í Akraseli ætlum að halda upp á þennan dag og hafa regnbogadag. Hver deild hefur fengið ákveðin lit fyrir þennan dag.

Mýri: Gulur

Tjörn: Appelsínugulur

Klettur: Grænn

Gljúfur: Rauður

Berg: Blár

Utan deilda: Fjólublár

Dagskrá dagsins:
Við ætlum að byrja daginn á því að fara í skrúðgöngu að ráðhúsinu 9:30, ásamt leikskólum á Akranesi, og þar ætlum við að syngja tvö lög og afhenda bæjarstjóranum plakat sem er gefið út í tilefni dagsins. Eftir samveruna er arkað heim í söngsamveru og þar ætlum við að mynda regnbogann. Eftir hádegi verður leikur og sprell allan daginn.

meira...

31. janúar 2012 12:12

Henson gallar

Fyrir ári síðan stóð foreldrafélagið fyrir pöntun á „leikskólagöllum“ nú hafa ný börn bæst í hópinn og eldri börn vaxið uppúr göllunum sínum sem keyptir voru í fyrra. Við munum bjóða uppá hóppöntun á göllum nú um mánaðarmótin.

Það hanga listar fyrir framan allar deildar og þar geta foreldrar skráð niður pöntun fram á föstudag.

Í ár verður boðið uppá tvennskonar útlit, svartar buxur og svarta peysu með grænum röndum eða græna peysu með svörtum röndum og svartar buxu

Á morgun miðvikudag 1.febrúar verða gallar til mátunar inni á Kaffistofu starfsmanna.

meira...

26. janúar 2012 02:54

Opin söngsalur

Opin söngsalur sem ætti að öllu jöfnu að vera á morgun frestast um viku og verður í staðinn 3.febrúar. Allir foreldrar velkomnir og sérstakleg foreldrar barna á Kletti þar sem þau sjá um söngstundina að þessu sinni.

meira...

19. janúar 2012 01:25

Bóndadagsmorgunverður

Á morgun er bóndadagurinn og þorri hefst. Að því tilefni bjóðum við til bóndadagsmorgunverðar fyrir alla pabba, afa, bræður eða frændur frá klukkan 8:00-10:00.

meira...

19. janúar 2012 01:23

Rafmagnslausdagur í Akraseli

Í dag var rafmagnslausdagur hjá okkur í Akraseli og fengum við örlitla innsýn í hvernig var að búa við ekkert rafmagn. Við vorum þó með vasaljós til að lýsa upp í myrkrinu. Í matinn var boðið upp á hrært skyr og brauð.

meira...

6. janúar 2012 12:03

Skemmtileg heimsókn í morgun frá dýraeftirlitsmanni Akraness og sjónvarpsmanninum Gísla Einars.

Í morgun fengum við góða og skemmtilega heimsókn þegar Snorri Guðmundsson dýraeftirlitsmaður kom í heimsókn til okkar með tvo hunda þá Baron og Mugg. Með í för voru Gísli Einasrsson, stjórnandi þáttarins Landanum sem sýndur er á RÚV og myndatökumaður hans. Snorri fræddi börnin um hvernig ætti að umgangast hunda og hvaða fimm reglur ætti alltaf að hafa í huga í nálægð við þá. Á sunnudaginn eftir viku 15.janúar mun þessi heimsókn birtast í sjónvarpinu. Við þökkum kærlega fyrir þessa skemmtilegu heimsókn!

meira...

4. janúar 2012 11:04

Breytingar á starfsmannahaldi

Breytingar hafa orðið á starfsmannahaldi hjá okkur í Akraseli en Ólöf Inga er hætt hjá okkur þar sem hún er að flytja til Danmerkur, við þökkum henni kærlega fyrir frábært samstarf og óskum henni góðs gengis á nýjum slóðum.

Jón Þór hefur hafið stöf hjá okkur en hann verður inn á Tjörn frá 13-16 og fer siðan í skilastöðu. Við bjóðum hann velkomin í starfsmannahópinn okkar.

meira...