11. maí 2012 10:56

Maífréttir-Klettur

Ó hve létt er þitt skóhljóð....já maí er mættur á svæðið og komin vorhugur í okkur, þó að hitastigið úti mætti nú alveg vera hærra, en við látum það ekki á okkur fá. Við áttum frábæran skógræktardag á miðvikudaginn og brölluðum ýmislegt skemmtilegt. Veiddum síli, fórum í útijóga, leiki og svo var lestur eftir hádegismatinn. En það var voða spennandi að fá að borða hakk og kartöflumús í skógræktinni. Við kíktum á tréð okkur og sáum að það var að koma aðeins meira brum en enginn laufblöð eru komin út ennþá. Í gær fórum við í skemmtilega morgunstund í Brekkjubæjarskóla og þótti okkur gaman að syngja og dansa með.

Fimm ára afmælisbörnunum heldur áfram að fjölga hjá okkur en þann 29.apríl var Jóhanna Dagný 5 ára, til hamingju með daginn þinn kæra vina!

Þann 6.maí varð Gunnar 5 ára, til hamingju með daginn þinn kæri vinur!

Fura varð svo 5 ára þann 8.maí, til hamingju með daginn þinn kæra vina!

Í næstu viku er svo sveitaferðin okkar en föstudaginn 18.maí förum við í heimsókn á Bjarteyjarsand. Erum að gera hinar ýmsu tilraunir þessa dagana og verður gaman að sjá hver útkoman úr þeim verður.

Stuðkveðjur frá Kletti

17. apríl 2012 11:14

Vorfréttir frá Kletti

Þá er vor í lofti og sumarið á næsta leiti. Dagarnir hjá okkur á Kletti líða áfram í gleði og leik. Við erum að vinna núna að verkefni sem snýr að vorinu en við fórum upp í skógrækt og völdum okkur tré. Við ætlum að fylgjast með trénu þegar það lifnar við og laufblöðin fara að spretta. Við erum búin að gera stórt tré inn á deild og ætlum við setja laufblöð á það í samræmi við sprettuna á trénu okkar í skógræktinni.  Við vinnum einnig eftir vísunni „Vont og Gott“.

Við vorum með gulan dag fyrir páska og vorum með „opið hús“ á milli deilda. Á morgun er dótadagur hjá okkur og á fimmtudaginn fögnum við sumrinu, en þá er leikskólinn lokaður. Í næstu viku er skipulagsdagur föstudaginn 27.apríl og 30.apríl, svo er 1.maí sem er lögboðinn frídagur.

Þann 25.apríl er dagur umhverfisins og þar sem við erum Grænfána leikskóli er þetta mikill hátíðsdagur hjá okkur. Við ætlum að hafa grænan dag og förum út og hreinsum nánasta umhverfi leikskólans.

María Líf, Sara Ósk og Sandra Sól urðu fimm ára 13. mars. Til hamingju með daginn ykkur kæru vinkonur.

Ísólfur Darri varð fimm ára 14. mars, til hamingju með daginn þinn kæri vinur.

Sævar Elís var fimm ára 12.apríl, til hamingju með daginn þinn kæri vinur.

Gleðilegt sumar :)

Sumarkveðja frá Kletti

24. febrúar 2012 09:24

Fréttir í febrúar

Síðasti föstudagur febrúarmánaðar runnin upp og mars á næsta leiti. Það hefur verið mikið húllum hæ hjá okkur í febrúar.  Við fögnuðum m.a. degi leikskólans með leikskólum bæjarins og létum ekki "smá" vind stoppa okkur. Konudagsmorgunverður var í boði fyrir allar konur og að því tilefni var sett upp kjólasýning í salnum. Já við konurnar eigum nú dálítið safn af fallegum kjólum. Þett er orðin skemmtileg hefð að á bóndadaginn að setja upp lítið byggðarsafn og svo fyrir konudaginn þá er kjólasýning.

Við héldum upp á bolludaginn að venju og vorum borðaðar bollur allan daginn, saltkjöt og baunir voru á sprengidaginn og á öskudaginn var í fyrsta skiptið furðu- og náttfatadagur í leikskólanum. Það er óhætt að segja að þessi nýbreytni hafi heldur betur slegið í gegn og allir skemmtu sér rosalega vel. Við fórum í göngutúr um bæinn og sungum lagið "Allir hlæja á öskudaginn".

Í febrúar höfum við einnig verið dugleg að heimsækja aðrar skólastofnanir bæjarins. Við kíktum í Grundaskóla í tilefni af þemudögum sem þar voru, heimsókn á Garðarsel, Vallarsel og Teigasel. Á Teigaseli hittum við m.a. vin okkar hann Davíð Loga og urðu miklir fagnaðarfundir meðal barnanna og starfsfólks. Krakkarnir í kassahóp fóru í heimsókn í Brekkubæjarskóla og heimsóttu Fanney okkar. Á mánudaginn erum við svo að fara í heimsókn í Fjölbrautaskóla Vesturlands og hitta "unglinganna". En eins og flestir vita þá var Hörður skólameistari þar.

Við erum þessa dagana að ljúka vinnu okkar í tengslum við Krumma og hefur þetta verið mjög skemmtilegt verkefni. Miklar pælingar hafa vaknað eins og t.d. hvað krummi borðar og já hvar hann sefur. Hafa verið skiptar skoðanir á þessu öllu saman.

Tvö afmælisbörn voru í febrúar þær Theódóra Dröfn og Íris Embla. Nú eru hinir krakkanir orðnir voða spenntir að verða líka 5 ára en sumri verða þó að bíða í ansi marga mánuði en eitt er þó öruggt að það verða allir fimm ára á þessu ári :)

Íris Embla 5 ára 18.febrúar, til hamingju með daginn þinn kæra vina!

Theódóra Dröfn 5 ára 18.febrúar, til hamingju með daginn þinn kæra vina!

Sveinbjörn Pétur 5 ára 31.janúar, til hamingju með daginn þinn kæri vinur!

Eigið góða helgi

Kátu krakkarnir á Kletti

26. janúar 2012 01:56

Á þorranum

Það er nóg að gera hjá okkur á Kletti á þorranum og í gær kíktum við í heimsókn á byggðasafnið og fengum leiðsögn um safnið. Það var mjög gaman og virkilega fróðlegt. Við erum byrjuð á fullu í krummaþemanum og erum búin að gera hugtakakort. Hugtakakort er kort þar sem við skrifum allt sem við vitum um krumma og bætum svo í kortið þegar við vitum eitthvað meira. Hægt er að sjá kortin okkar en þau hanga upp inn á deild.

Í morgun fórum við í hópastarf og vorum m.a. að teikna, lita, mála og klippa út hina ýmsu tegundir af krummum.  

Við ætlum að fresta söngsal um viku og verður því síðasta söngstund mánaðarins næsta föstudag 3.febrúar. Öllum foreldrum er velkomið að taka þátt í söngsalnum með okkur. Við á kletti ætlum að sjá um söngstundina.

Í næstu viku byrjar tannverndarvika og ætlum við að ræða um góða tannhirðu.

Verið hress og ekkert stress, bless bless :)

Kátur krakkarnir á Kletti

16. desember 2011 02:15

Fréttir af Klettabúum í desember

Nú styttist heldur í jólin og hver jólasveininn á fætur öðrum mætir á svæðið. Það er komin jólastemmnig í okkur á Kletti. Í gær fengum við að sjá leikrit í boði forelddrafélagsins, Pétur og úlfurinn og bökuðum piparkökur. Í dag var svo rauður dagur, jólaball og jólamatur. Við dönsuðum í kringum jólatréð með jólasveinunum sem mættu óvænt á svæðið og gáfu okkur svo góðar jólamandarínur. Í næstu viku ætlum að fara í strætóferð um bæinn okkar og skoða jólaljósin, kíkja í heimsókn á Höfða og syngja fyrir íbúana þar. 

Þann 5.desember varð Marta María 4 ára. Til hamingju með daginn þinn kæra vina!

Þann 13.desember átti Guðbrandur Ingi 4 ára afmæli. Til hamingju með daginn þinn kæri vinur! 

Það er alltaf jafn gaman að opna gluggann í dagatalinu okkar og eru allir voða spenntir að sjá myndina sem leynist inni í honum.

Jólakveðja

Jólakrakkarnir á Kletti og starfsfólk

24. nóvember 2011 02:01

Fréttir frá Klettabúum

Loksins birtast hér nýjar fréttir hjá okkur :) Í dag er smáföl úti og vakti það miklu lukku allra á Kletti, sumir ætluðu að búa til snjóakarla, aðrir ætluðu að borða allan snjóinn og enn aðrir ætluðu að búa til engla :)

Í morgun vorum við með föndurstöðvar og skemmtum við okkur frábærlega í þeim. Á þriðjudögum förum við í Listasmiðjuna á Læk þar sem allskonar efniviður er og aldeilis hægt að skapa þar.

Við vorum m.a. að gera þetta fína jóladagatal og þar sem börnin eru 27 byrjum við á mánudag að opna fyrsta gluggann. Allir gerðu eitt kort og límdu á dagatalið sem var skapað að þeim.

Á degi íslenskrar tungu þann 16.nóvember þá sungum við í salnum fyrir alla á deildinni og gekk það rosalega vel. Þau stóðu sig vel og voru virkilega "pro" :)

Nú styttist í að desember gengur í garð og ætlum við að hafa það ótrúlega kósý og njóta samverunar enda snúast jólin einmitt um það, ekki satt? :) Það verður rauður dagur 16.desember og þá verður boðið upp á jólamat.

Ekki má gleym afmælisbörnunum okkar en þann 4.október varð Sóllilja Björk 4 ára. Til hamingju með daginn þinn kæra vina!

Fannar Atli varð 4 ára þann 18.október, Til hamingju með daginn þinn kæri vinur.

Andri Eyfjörð varð 4 ára þann 27.október, til hamingju með daginn þinn kæri vinur!

Kjartan Óli varð 4 ára þann 28.október, til hamingju með daginn þinn kæri vinur!

Rakel Sara varð 4 ára þann 4.nóvember, til hamingju með daginn þinn kæra vina!

Bríet Saga varð 4 ára þann 15.nóvember, til hamingju með daginn þinn kæra vina!

Eitt gullkorn frá gullunum á deildinni: Við matarborð var verið að tala um þegar fólk deyr, eitt barnið segir: "þegar fólk deyr verður það að beinagrind." Þá segir annar, "nei, ekki hún amma mín hún varð að grindverki! Snillingar :o)

Bestu kveðjur

Stuðboltarnir á Kletti

4. október 2011 01:31

Kletttur-fréttir

Dagarnir líða áfram og nóg að gera hjá okkur á Kletti, við erum búin að taka upp kartöflurnar og var uppskeran bara nokkuð góð, bragðið var enn betra. Við erum komin á fullt í hópastarf og stöðvavinnu. Föstudagsfjörið með Bergi og Gljúfri er rosalega skemmtilegt. 

Síðasta miðvikudag í stöðvavinnu vorum við m.a. í holukubbum og byrjuðu stelpurnar á því að búa til grunninn og duttu þær fljótlega í "mömmuleik"  og voru þær ýmist mamman, barnið eða gæludýrið. Svona var það í báðum stelpuhópunum en þegar strákahóparnir mættu í holukubba breyttist leikurinn töluvert. Holukubbarnir fóru úr því að vera rúm/heimili í það að vera sláttuvélar, verkfæri eða hljóðfæri. Það var gaman að sjá hvernig leikurinn breyttist :)

Jóga er alltaf janfvinsælt hjá okkur og njóta þau þess öll að slaka á og leika í jógastund.

Afmælisbörnunum fjölgar hjá okkur en Elvar Ísak var 4 ára þann 18.september, til hamingju með daginn þinn kæri vinur!

Þann 24.september var Hera Guðrún 4 ára, til hamingju með daginn þinn kæra vina!

Þann 27.september varð Bragi Friðrik 4 ára, til hamingju með daginn þinn kæri vinur!

Bestu kveðjur frá öllum stuðboltunum á Kletti!

9. september 2011 03:03

Fréttir af Kletti

Þá er runnin upp september hann byrjaði heitur og notalegur en svo virðist sem haustið sé að ganga í garð með kulda og vindi. Við erum að hefja vetrastarfið á fullu á Kletti. Starfið fer fram að mestu fyrir hádegi en eftir hádegi er útivera. Planið lítur svona út:

Við höfum raðað í hópa og verða hóparnir fjórir:

Kishópur: Kennari, Friðbjörg. Hópur: Andri Eyfjörð, Íris Embla, Ísólfur Darri, Bríet Saga, Sveinbjörn Pétur, Kjartan Óli.

Kassahópur: Kennari, Lára. Hópur: Sævar Elís, Theódóra Dröfn, María Líf, Guðbrandur Ingi, Fannar Atli, Elvar Ísak.

Hjartahópur: Kennari, Rakel. Hópur: Hópur: Hilmar Veigar, Marta María, Kristinn Daði, Fura , Hera, Sara Ósk.

Stjörnu-og nebbahópur: Kennarar: Katla og Soffía. Hópur: Nikolas, Sóllilja Björk, Bragi Friðrik, Davíð Logi, Jóhanna Dagný, Sandra Sól, Gunnar, Álfrún Embla, Rakel Sara.

• Í stöðvavinnu verðum við í Jóga, í salnum, málörvun, tónlist og fleiru skemmtilegu.

Það eru nokkrir strákar sem eru búnir að eiga afmæli og þeim fækkar óðum sem eru ekki orðnir 4 ára :) Já það eru víst að styttast í þau fari á fimmta aldursárið.

Kristinn Daði var 4 ára 23.júlí. Til hamingju með daginn þinn kæri vinur!

Nikolas var 4 ára 1.ágúst. Til hamingju með daginn þinn kæri vinur!

Hilmar Veigar var 4 ára 7.sept. Til hamingju með daginn þinn kæri vinur!

 

Það fer að styttast í uppskeru hjá okkur og eins og þið hafið eflaust tekið eftir eru kartöflugrösin orðin nokkuð myndarleg. Einnig má sjá að við munum fá nokkrar gulrætur, kál, radísur og baunir :)

 

Með stuðkveðju frá Kletti

Kletta-búar

Fréttir af Kletti

Maí fréttir Mýri-Tjörn

Fréttir af Mýri-Tjörn

Mýri-Tjörn fréttir

Mýri-Tjörn: Mars-fréttir

Febrúar-fréttir

Fréttir

Vikan 10.-14.janúar 2011

Fréttir Mýri-Tjörn

Fréttir 10.desember 2010

Vikan 22.-26.nóvember 2010

Vikan 15.-19.nóvember

1.-12.nóvember 2010

Fréttir af Mýri og Tjörn vikuna 25.-29.október 2010

Mýrar- og Tjarnarfréttir vikuna 18.-22.október

Vikan 11.-15.október